An der HV vom 21.1.2012 wurden Benno und Sepp in einem würdigen Rahmen für die grossartige Leistung für die MILAS geehrt.
von Waldruth Heeb
De Benno und de Sepp wänd jetzt i Vorstandspension go,
das hönd mir vo Insiderstella verno.
Viel Johr sind ihr zwei im Schiff vo de MILA gsi,
und jetzt isch die verantwortigsvolli Zit verbi.
En MILA Vater wia du das für üs gsi bischt tuets nümma ge,
drum tuets üs scho es bitzeli weh.
Springe mit de MILA got für die Benno nümma so guet,
doch verlür wäg däm nöd de Muet.
Lueg zrugg uf die viela schöna Johr im Läba,
Gsundheit isch s’wichtigscht und isch en grosse Säga.
Sepp dis Knü tuet de Dokter sicher bald flicka
und du chasch wieder umarenna wia en pickta.
Im Eichholz werded mir eu sicher immer wieder gseh
und de Sepp isch ufgleit für en Dipoldzouer Schmäh.
Gmüetlicher chönd ihr jetzt s’Training ago,
au e chli langsamer isch me immer scho as Ziel cho.
Dia schöna Winterwanderiga mit dir Sepp möchted mir no viel ha,
do stoscht du mit super Toure de Ma.
Danke möchtes mir drum eu hüt säge
und wünsched eu nur s’bescht uf eure witere Wäga.
Danke vielmol !!!!
